Day 10 ~ 恐怖火車

Travelling Date: 31 July 2012 (Tue)

這天零晨時份，終於等到遲了個多小時的火車。

上到火車，立即找到我們的車箱，可惜不懂開這個門

正當我地好嘈地開門之際，有個好高大的火車職員(下文簡稱獄卒) 好爐氣咁走過來，

瞪大隻眼講d3^4k9fkw$d8!er54gf&n，一邊做手勢叫我地行埋一邊。

我地當然乖乖地舉起雙手，立即封住把口

入到房間，好鬼黑，又開唔到棧燈。

上格床就吊係度，無問題啦。

但下面張床係反左上牆，勾住左，我地又攪左一輪都唔識反番佢落嚟。

突然獄卒大力開門，好大聲"薯"我地。好悔氣咁幫我地反床!!!

獄卒大人你估我地想嘈住你咩(最慘佢間房係我地隔離) 我地真係唔識用D咁古老的嘢

之後，人有三急，有人需要去洗手間，不過，我地研究左好奈，都開唔到隻死人門

獄卒隻耳仔好勁，立即過來開左我地隻門，又"薯"我地。

我的朋友唔理佢，一支箭bill去洗手間。

好啦! 我地完全只可超輕聲咁講嘢，終於慢慢爬上床瞓!

好衰唔衰，上格床的同事唔小心張支水跌落地。

大件事，獄卒立即打開我地的門，我地一聽到開門聲就立即被驚嚇，本來瞌埋眼，都立即瞪起隻眼!

開門後，獄卒又"薯"我地，跟住就當然一輪嘴 xXyz#D&Lz，然後將支水擲向上格床的床尾!

我已經好眼瞓，唔理三七二十一，立即大被同眠。

我都唔知幾點，獄卒又開我地隻門，我地又被嚇親，真係好鬼死驚，原來係查護照。

我比左本passport，之後又大覺瞓。

事後朋友話比我知，原來火車停左3個鐘，都無行過! 我係完全唔知發生咩事!

早上起身之後，我地都仍然保持高度警覺，唔敢大聲講嘢，更加唔敢四圍行動，好似坐監一樣!

但係最大問題，就係我地都唔識開隻門。其中一個人都係撞彩先開到一次!

我死都唔信唔得，試左好奈終於找到方法開了，實在好難用文字容易

原來火車預定12:45到達Suceava，點知慢車，延誤了唔係一兩個鐘，係6個幾鐘

所以成6點半先到Suceava。原來安排左下午參觀的地方，全部取消!

最慘係，火車上的時刻表係寫火車會到達Suceava Nord，問左我多人都係話Suceava Nord

但係我地約左導遊係Suceava火車站等

於是，打電話和send SMS比導遊，話比佢知我地會在Suceava Nord落車

但係當導遊先生去到北站又見唔到我地，又打來問我地係咩地方

原來我地落車的站係Suceava，真係比佢玩死 浪費晒我D電話費!

好彩，導遊先生好快就到! 我地唔洗等好奈!

導遊先生好風趣，我地把慘痛的經歷話比佢知，佢只用一句來解釋 this is Bulgaria

死未?

火車站其實都幾靚，不過，心情欠佳，睇任何嘢都唔順眼