11月5日覆診： 蛋白尿 1.3
11月10日：抽腎組織，報告是第三型
用藥30mg 類固醇及MMF
11月11日：出院 (同日早上，奶奶情況危急，call家屬到院）
11月15日（晚）：自己左手手腕腫痛（奶奶情況轉差，經常抽筋）
11月16日：右腳腳底腳面好痛，需要借輪椅睇醫生 (下午奶奶安息主懷)
11月17-18日：右腳和手腕有好轉
11月19日： 6點就被左腳痛醒了，坐在sofa，開頭都行到幾步，之後連一步都行唔到，唔郁唔掂佢都劇痛，一行就差D要休克。一家人在家中，要等老公12點返到嚟，call白車入院。隻腳越嚟越痛，但冇腫只有腳面紅，比起抽腎組織和生蛇還要痛，今次真係痛到喊。
急症室都算快，照xRay，打類固醇和抗生
教會傳道人和團友都為我禱告，在未打止痛針前，痛楚真的有所減退。
因要等COVID-19 報告，要在11樓住一晚。最記得當晚是CCTVB台慶，真係一點力氣都沒有。六人房只住4人，好靜地瞓左一晚。
11月20日-21日：由於是星期六和日，我都未能見到風濕科醫生
要求醫生停打抗生素
11月22日：風濕科林醫生話暫時都不知腳痛的原因，因為用了高劑量的類固醇(100mgX3)，把所有徵狀都消失了。醫生話一定不是腳底根膜炎，因為唔會痛到入急症室。痛風又唔多似，因為好少同時出現於幾個步位。而發炎指數由入院20，升到70，出院時就跌到16，我估都係隻狼作怪。
腳痛已不是重點，現在首要任務是醫個腎，因為蛋白尿升左1.9
11月23日： 醫生要提高類固醇份量到50mg，而我的情況又不是嚴重到再吊藥。所以可以出院。我都好想出院，瞓唔到，隔離床的亞婆不停叫飲水，對面床的亞婆就叫肚餓。
12月10日覆診，病假就直接到10號那天。
其實由上年年尾已經好忙，幫亞媽攪新屋裝修，放工後幫手湊住姪仔，幫亞媽賣大陸層樓。壓力再加上粗勞，唔夠休息就病發。而且本身已食到好低劑量的類固醇，每日5 mg。
所以到了4-5月，DNA 的數字是不斷上升中，只是沒有其他身體的徵狀。直到9月就開始攻擊個腎了。
雖然現時疫情不能探病，只可以在病房門口放收，我的供應都不缺乏。
