離開 lofoten Island (Day 17)

Travelling Date:  5 August 2015 (Wed)

終於要離開 Lofoten Island，今天的天氣都是不佳，多雲，但沒有雨。

我們吃過早餐就開始執行李，最後還要清潔間屋，否則要俾400NOK。我地慳錢至上，當然自己清潔啦! 要把整間屋還完，被單要放在門口旁邊，掃乾淨個地板，處理所有垃圾，其實都不太辛苦。四個人分工合作，好快攪掂。

由於我們不是自駕，要去碼頭只有坐巴士或的士。我們選擇後者，因為巴士的班次只有07:45 (40NOK) ，但10:30才有船。要在碼頭等2.5小時，天氣好就無問題，如果落雨就麻煩，而且碼頭附近沒有什麼好看。所以我們請職員幫忙預約的士，10分鐘車程，233NOK(跳錶，可以碌卡)，每人58NOK，絕對絕對值得花多小小錢，又舒服又準時。

輪船十分準時，預早15分鐘就泊岸。船票每張187NOK，兩個小時就到Bodo。由Moskenes 去 Bodo，一日只有兩班船，10:30-14:30，14:00-17:15。當初計劃的時候，都考慮是否需要在Bodo住一晚。最後都是決定住一晚，因為怕萬一船期唔準，有任何意外趕唔到飛機就慘，唔想太大心理壓力。而且當天一落船就即刻飛，一來唔肯定Bodo碼頭有冇的士，二來要好夜先到斯得哥爾摩，反正都係返酒店瞓，不如在Bodo的酒店瞓，加上唔想夜媽媽搵酒店(雖然個天未黑晒)。

落了船，就拖住行李行15分鐘就到酒店。這邊的天氣更壞，落起雨來。幸好我們都有防風防水風褸，都夠頂! 

這間酒店的裝潢都不錯啊!

房間就標準兩張單人床，非常乾淨。在物價高漲的北歐，房價782NOK，每人約HK450包早餐及晚餐，我覺得非常超值。

安頓了，未到食飯時間，我們就出外行一陣。其實都沒有什麼特別的景點，周圍逛下。