鼠年最後一次的成績表

昨天例行到醫院覆診,見過譚醫生後,佢話停左MMF後,個病無變好又無變差.白血球都係咁上吓.

我知道這幾個星期忙得不可開交,要攪學校校慶嘉年華會,又要攬新屋裝修的事情,個病無變差到已經是好感恩.

所以一切藥物的份量依舊不變,兩個月後再復診,但兩個星期後要多抽一次血.

之後,我在途中又見到另一位醫生.我同佢吹左一陣間水---旅行,放假,病情,生仔......

然後,我跟一位病友到病房探望一位很嚴重的病友,送上一點慰問.我見到佢都覺得很可憐, S.L.E.真是很可怕,可以令到一個人變成咁樣.

短短相聚一刻,我們就被姑娘趕走了,連祈禱的時間都無,真可惜.

最後,我們一起離開.我們一邊行,一邊交流心得.原來她也是一位基督徒,真是太好.我們還互相交換電話,希望日後到醫院覆診再能相見.