瘋癲的十月

十月尾, 學校外評, 真係做到人都癲, 不停地準備文件, 開會, 備課.

幸好, 暫時仍沒有病倒, 可能現在一放鬆, 再加上天氣轉變, 病魔隨時找上門.

第一天外評隊觀課, 沒有被選中是我意料中的事, 因連堂太多.

但第二天都是觀課日, 上午我有5堂, 其中4堂是教音樂, 心想無理由不中. 當副校走入課室話我知, 今天沒有人來觀你的課, 一方面很開心, 另一方面又覺得有點失落. 開心是唔駛比人係雞蛋裡挑骨頭. 失落是準備十足, 充滿信心, 竟然無用武之地.

第三天是面見外評人員, 我諗我是音樂科主任(只是兩個月), 無理由不見我, 而且星期五我有四節空堂, 時間一分一秒地過去, 最後竟然沒有被接見. 真係好感恩, 因為外評隊的人真係唔簡單, 問的問題都好尖銳, 這個環節真係好驚, 好擔心唔識答. 之前校方派了很多文件要我地熟讀, 哇! 仲慘過考試!

好啦! 終於都過左個外評, 希望之後有好日子過.