坐船到了另一個世界Lofoten Island ( Day 13)

Travelling Date: 1 August 2015 (Sat)

火車準時09:15到達總站 Bodo。大家都好精神，因昨晚在火車上瞓得好好。

我們兵分兩路，兩人去碼頭，另外兩個人去Bodo的超市入貨。因為我們住的地方要行半小時才有超市，後來發現這個決定是不錯，因為島上的超市種類不多。

時間非常緊迫，只有一個小時，火車站行去超市需要10分鐘，超市行去碼頭要15分鐘，所以只剩下半小時入貨。我們一早想好買什麼，快快手就買完，而且早上排隊的人不多，加上急步行去碼頭，身水身汗，成功登上10:15的船，船票187NOK

天氣麻麻地，好大風，超凍，舺板上都沒有太多人欣賞風景。

船程要3小時，我們先食個早餐，船上都有個小食店提供熱食，我最想飲碗魚湯，可惜原來下午開的船才有供應，非常失望。退而求其次食條大香腸加薯條，有D熱嘢落肚係舒服D。

坐下坐下，不知不覺間就見到一個好大的島，心情好興奮，終於到了Lofoten Island。

落船後，就需要立即行去巴士站，千萬不要四處走，因為巴士的班次是緊接船期。巴士非常準時接載我們，搭巴士的人數不多，因為大部分人都是自駕遊。

上車跟司機直接買票，可刷卡。車程只需坐20分鐘，但車費就要40NOK，大約港幣$39，真係好好好貴! 

巴士是會經Reine，之後就會到Hamony，我們是住在非常寧靜的Hamony，只有幾間漁民屋。

我們非常期待的一刻，好似新樓入伙睇單位一樣。三房二廳，一間單人房，兩間雙人房，開放式廚房，煮食用具齊全，又可以讓我們的大廚顯身手。如果有焗爐就更完美了。

北歐旅行的時候想慳錢就要自床單及被單，好多地方都要另外收費，這裡就要100NOK一位了。雖然我要帶一個類似睡袋的床單，可以包住整個人，好似條香腸一樣。不過，之前在Geiranger用過，覺得唔太舒服，所以今次在這裡住4天，都係買啦!

有個露台，我們超超超......like。方便影日落，正! 

嘆左一輪，都要出外走走。雖然天色陰暗，但是我們都覺得好靚。來到這兒，出街就要多穿件衣服，我怕冷，所以要穿薄羽及防風外套，最緊要有條頸巾。

沿著海岸線一直行，只得一條馬路，一定不會迷路。走了大約20分鐘就會見到一間魚店，內面有新鮮的海鮮及乾貸。今早唔買住，睇定D先，今晚都已經有餸了。

之後，再一直向Reine的方向行，未到Reine之前就有間Coop超市，它是這裡唯一一間超市，這裡的蔬菜選擇不多，而且唔靚，但都要買。揀下揀下都買左5佰幾，足夠四天的食物。之前係Bodo超市又買左5佰左右，合共一千元，平均每人每日$62.5。哇! 好抵喔!!!

我們買了很多食物，行出超市就想到要行半個小時才返到屋企，真係好辛苦。行了幾步，立時見到有一輛私家車，只得司機一位，即刻豎起大姆指捷架順風車，竟然停在我們面前，而且他去我地方跟我們一樣，實在太巧合了。