覆診報告

今天,到醫院例行覆診.第一次見到個靚仔後生的醫生,佢都幾好人,有問必答.

不過,我同佢講左好奈,才肯減了少少降膽固醇的藥.其他的藥都要照舊不變.

其實,醫生話其他藥的份量都不算多,而且我會去旅行.我估佢都是唔會冒險.

這次,我知道原來長期食肥他丸會導致血壓高和膽固醇高.

驗血的報告只是在血色素比兩個月前低了一度,不過問題不大.其他的指數都差不多.

最高興都是蛋白尿都沒有流失.即是個腎都幾好.

之前,做個24小時心電圖,報告就良好.

不過,我問醫生我個病活躍嗎?他話有少少活躍.

在等候見醫生的時候,跟旁邊的病友搭訕,佢問我食幾多種藥,唔計維他命就5種.佢就利害啦!佢話食17種藥,聽完都不禁"吓"了一聲.這個病真是很可怕,每個Case都是唔同,沒有一條藥方可以用於所有人身上.