2016年12月2日星期五

速遊新西伯利亞~Day13

🚂🚂🚂 Travelling Date: 3 August 2014

這天,由Tomsk坐的士(3.5小時)去Novosibirsk(新西伯利亞)。由於坐火車與坐的士的時間是一樣,而且由Tomsk的hostel都要坐多一程巴士先可以到達火車站,所以覺得坐的士會方便一D。而且的士費比火車費每人只是多一百元,再加上時間上可以更好運用,有多一D時間去行下新西伯利亞。的士費四個人分擔,每人HK$230,我可以接受。

果然係大站,火車站好大! 中午左右到達,我們比原定時間早到,因為司機開快車。我們先去寄存行李(每件行李Rub160,約HK$36),我們在火車站附近見到有KFC 🍔🍟,首先都係醫肚先。不過,KFC相對唔平,平均每人HK78,可能我地叫左好多嘢食。



之後,搭地鐵去市中心附近。面對部自動售票機簡直企係度,全部都係俄文。環顧四周,只有一位男仕經過,一定捉住佢唔放。他幫我們買好了車票(每人Rub18,HK$4),並帶我們到月台。


 地鐵車箱跟莫斯科都差不多,但有電視平幕,都幾先進啊!

我跟"助人哥哥仔"吹左幾句後,他竟然話有時間帶我地四圍行下。哇! 有冇咁大隻"甲拿"隨街跳呀!😉 不過,聽佢講嘢唔似係壞人(好主觀)。而且,我地有四個人,四對一,日光日白,應該都問題。其實,當時冇諗咁多,好快就say yes。他的英文又很好啊! 除了在Tomsk之外,我們再次遇上另外一個免費的導遊哥哥。👣👣👣👣

新西伯利亞這個大城市,給我的感覺是樣樣嘢都好大。下面是歌劇芭蕾舞劇院(Opera & Ballet Theatre),運用了希臘神殿的設計,它的面積比莫斯科大劇院(Bolshoi Theatre)還要大。

劇院前的大人物雕像,講左個名都唔會記得,多數都係國家英雄,大將軍之類。我只係識得無處不在的列寧,這是我見到的最大型的列寧像。



新西伯利亞的城市是俄羅斯人口第三大城市,但是只有百幾年歷史,卻非常短,所以旅遊觀光的景點都不多。



位於一條繁忙的馬路中心地帶(10線行車),有間小小型的教堂(Chapel of St Nicholas)。



粒星超巨型(上圖)
連本書都大過人(下圖)

時間過得好快,我們坐巴士返回火車站(Rub23, HK5.2),其實是可以行的,但怕趕唔切火車! 原來搭巴士係貴過地鐵呀!
在火車站附近見到這部飲品車,究竟個大嬸買緊什麼? "導遊哥哥"只係話唔係啤酒,沒有酒精的,原來它是黑麥汁,是由黑麵包發酵而成,甜甜酸酸,幾好飲! 十蚊盧布一杯,我地當然請"導遊哥哥"飲番杯啦!

"導遊哥哥"真是很好人,他陪我們攞行李,然後派定心丸給我們,一定趕到火車的。他幫我們搵月台,車卡,安全地送我們上火車,這種待客態度真係去邊度搵呀! 就係咁樣,我們又成為facebook的朋友了! 兩年後,他更到日本作交流生。

火車由新西伯利(Novosibirsk)去秋明(Tyumen),車程15小時30分鐘,下午4點上車,第二朝6點半會到秋明。這次我們瞓3等艙,要上車買被鋪(Rub116.2,約HK$26)。



夜幕低垂,在火車上好容易欣賞日落黃昏,因為沒有高樓大廈的阻擋。不過黃昏美景雖然靚,但這次車程令大開眼界不是它,我終於見識了俄羅斯人如此豪邁不羈。

話說在某某一個站,有個大嬸上左火車,本來係瞓係隔離艙。大嬸可能覺得悶,就搵我地艙路口單邊床位的亞伯搭訕。不過,他們越傾越投契,情到濃時 💋 💋 一齊大被蓋過頭,不知不覺地發出一些聲音,令我地三個朋友仔非常尶尬😲,連落床去廁所都唔敢。不過,我就瞓到隻豬咁,只睇到上半場。朋友仔報告個大嬸在中途某個站落左車了。 





2 則留言: