最後半日在Tobolsk (Day15)

🚂🚂🚂 Travelling Date: 4 August 2014 

一早先吃個早餐，唔好對它有太大期望，正常的供應，有熱食就已經覺得好正，唔好太高要求!

之後就去Kremlin附近一帶行下! 今天的天氣非常好，去旅行的時候，最鐘意見到藍天白雲。這個克里姆林宮是不收費的，入面有間教堂，又是唔洗俾$。

Kremlin是城堡的意思，所以可以清楚見到它有城牆和樓塔，而且它是建於高地之上。這座Kremlin是西伯利亞唯一的克里姆林宮，建於18世紀。中間是鐘樓，左右兩旁都有教堂。

克里姆林宮是軍事和政治的權力中心，所以一定有教堂，這是聖蘇菲亞教堂(1686年)，隔離的鐘樓則建於1799年。教堂的內部好似好新，可能係剛剛番新完。

由Kremlin旁邊有條斜路，一直往下走，可以去到下城區(舊城)。雖然下城區真係人影都唔多個，但係有D建築好新，又唔覺有人住，不過點都搵到幾間教堂在左近。在香港生活"寧靜"似乎是奢侈品，但在Tobolsk似乎只得"寧靜"。

Archangel Mikhail Church 好似有工程進行，不準進入。

Zachary & Elisabeth Church (寫blog先知佢叫咩名😁)，有D似歐洲巴洛克風格。

由下城區可以清楚看到Kremlin的完整城牆，樓塔，鐘樓和教堂。 

時間差不多，要回去了。路過見到一間餐廳，食左個午餐就返酒店取行李。

坐25分鐘巴士可以到達火車站(Rub16)，沿路可以見到新城區的公屋，有型商場。原來人氣眾集在這裡。

這個火車站沒有什麼特別啊! 有好多火車站都有rest room，俾人瞓一晚，我就未試過，唔知係點呢? 這趟火車出乎之料有冷氣，而且車箱較新，下午5點上車，第二朝4點半就落車，都係瞓一覺就到葉卡捷琳堡(Yekaterinburg)。今次瞓3等艙，不過太多俄老又唱又飲，好鬼嘈。瞓左幾粒鐘，第二朝3點幾4點就要醒，個人好"炆"。落左車，天仍然黑，係Yekaterinburg火車站坐到天光先走。