2017年5月11日星期四

下集: 報案 (Day23)

Travelling Date: 12 August 2013 (Mon)

朋友問過保險經紀,他說可以到中國大使館或旅客中心攞個證明--我們曾經向他們求助,都可以claim保險。

於是,我們去紅場附近的Tourist Information Center,職員都很樂意幫我們寫封信,他表示在莫斯科俾人打荷包,是非常普通的一件事,當地人常常都發生,他們都不會報警的。我當然知道不可能會捉到個賊仔,但我只想claim保險。


攪左一輪,一場來到,就四周行下。雖然心情就麻麻😐,不過又沒有什麼地方想去,所以就沿著河邊一直行。





中午食lunch的時候,我提議不如去一趟中國領事館,試一試,反正又無地方想去。於是,我們上網查了地址,原來在莫斯科大學附近,立即go go go。


我們成功進入中國領事館,透過門口的對講機表示遺失了護照(扮聽不懂普通話,係唔係都話係)。入到裡面,當然要等啦! 終於有職員叫我們入一間房,內裡的裝修其實好簡單。有個高級的大叔問我們有什麼需要協助,我們一五一十講晒出來。他們都表示不會有任何文件證明,一定要去警局報案。我擔心俄羅斯警察不理會我們,領事職員都很好人,提供了一個手提電話號碼給我們,有需要可以再求救。(最後都用不著)

空手而回後,又花了一個下午。唯有等晚上去警局啦!

相約好了波蘭的女仔在地鐵站等,她的男友(俄羅斯人)都有陪伴。我們到了警局,有點緊張。詢問處旁邊有很多通緝犯的照片,而且門是很厚的,好有50年代的感覺,好懷舊。

他們的速度好慢,又要填表,當然請俄男代筆。攪左兩個鐘之後,一個情天霹靂的消息--原來案發地點不是在這間警局報案。吓! 攪左咁奈先知去錯地方,又唔早D講! 😞 唉! 證明我地被地鐵站的警察老點!!!😤😤😤 

佢地都有D良心,用警車載我們去另一間警局。呢間警局就光鮮好多。但入到去就見到個監房,有個人被關在內面。又再等等等......

終於等到有人帶我們上房,又要事主用英文將整件事寫一次,然後再叫朋友用俄文翻譯,再寫一次! 最攪笑係警察叫俄羅斯男友在電腦打番所寫的文字,真是好有工作效率! 最後,我們終於取得一張報案紙了。我的朋友損失的300歐及銀包的價錢都成功返回香港claim足晒。

雖然要花6個鐘,但是我都覺得是一個經驗。由於差不多零晨一點才離開警局,幸好仍有地鐵。雖然係幾個站,但一個人都冇,都幾恐怖。我們在一條手扶電梯中,後面有位女士突然好似俾個亞伯搶嘢。我都唔敢再望,第一個閃過的念頭就係拔腿就跑,當時真係好驚。跑到上路面,諗住入麥記避一避,抖一抖。怎料,連麥記都關門了。於是,我們就急急腳行,最後平安返到hostel。

Hostel的亞伯仍然坐在repection,我話見到有人在地鐵站搶嘢,他真是一點都沒有出奇,只係叫我們唔好咁夜出街。我們話成功報案,他都十分驚訝。

今日真係好攰,瞓番一覺先!
明日下午約左我們的大恩人,請佢地食餐飯。
之後就搭飛機返香港了,結束24天的旅程!!!✈

今次返到香港一個月後,紅班狼瘡就復發了。
不過,出發前已經有先兆啦!

8 則留言:

  1. 好難得嘅經驗,可以坐俄國警車。

    回覆刪除
  2. 我今次去都要小心一點,早兩年在巴塞隆拿被人扒晒啲証件,想起來都標哂汗。

    回覆刪除
    回覆
    1. 今次好彩保得住証件,一定要分開袋

      刪除
  3. 難忘的經驗, 出門在外真的要小心.
    身體現在可好嗎?? 小心保重.
    LONGBELL

    回覆刪除
    回覆
    1. 近年身體不錯呀!雖然底子不好,不過有足夠的休息就可以。

      刪除
  4. Yes, the purpose of going to police station is to get their letter for claiming insurance. I have bitter experience in Lisbon where my camera was seized by the thief.

    回覆刪除