經典: Golden Circle

Travelling Date: 20 July 2016 (Wed)

Day 5

這天只得大半天時間，所以安排參加Golden Circle 的一日團。計劃行程之前，都預計這個團吸引力有限，而且前兩日的風景實在太吸引。但是不去Golden Circle好似缺少左一D嘢，它真是雞肋，不過勝在團費夠平，每人ISK10500 (HK670) 。

早上七點就集合，早開始就早結束，下午3點就完。時間剛好，可以接駁去西人島Vestmannaeyjar。

第一站: 早餐位，參觀一間有機溫室種植場，有新鮮的蕃茄湯及麵包食，當然要自費 ISK950 (HK62)，真心好好味。

第二站: Gullfoss (Golden Falls) 黃金瀑布，有彩虹就更靚。這個瀑布的水流真是很澎湃，不停有水花撲面。

第三站: 間歇泉 (Geysir) 一柱衝天，高度可達30米，大家正在等待爆發的一刻，準備好相機，在千鈞一髮之際就不停地按快門，並且會聽到四周都哇哇聲，好有趣，值回票價。

最後一站: 議會舊址 Thingvellir National Park，歐亞板塊和美洲板塊的交界處。不過，行完我都唔知塊板塊係邊，因為個導遊只係放羊，沒有跟我們一起行。講定集合時間就算，我地唔敢遲到，沿路乖乖一直跟大隊行，導遊要好準時集合，遲到真係會鬧。

旅程準時於3點結束，我們返回AirB&B拿行李離開。這間民宿真係超正，有兩間睡房，一間有兩張單人床，另一間房有張雙人床，好fit我們三個人的需要。除此之外還有一個大廳，飯廳及一個一應俱全的廚房，好乾淨，最重要係好寧靜。我地日日早出晚歸，晚上一定要有充足的睡眠。價錢方面真係超抵，每人每晚只需HK397。屋主又好好人，來回車我的朋友去醫院照X光，因她在香港落機場巴士時跌倒，手腕有些痛，安心D都係去醫院照一照，反正有買保險。

下一個目的地就是去西人島，由於去碼頭的巴士班次不多，我們一早預定taxi transfer。由住宿地點送我們去碼頭(Bakki Harbour)，車程1小時45分鐘，收費IKS32400，三個人share，每人大約$700。司機好準時，中途加送一個景點，又係waterfall，好好人啊! 

非常順利到達碼頭，我們搭19:45班次，船程35分鐘，船票ISK1320 (HK85)，跟我們去南丫島差不多。到了民宿都已經8點半，煮完晚餐又要快快上床啦! 明天又一早去玩。