Akureyi 觀鯨+騎馬

Travelling Date: 29 July 2016

Day 14

來到冰島北部最大的城市Akureyri，也是冰島行程中最後一站。早上九時，我們要坐船出海觀賞鯨魚，非常興奮。

整個行程大約3小時，難得坐船出海，一定坐甲板。初時我都頂得住，但坐坐下都覺凍因為勁大風，要再穿多一條防水褲保暖。

今次我們都見到好幾次鯨魚，我的攝影技巧麻麻地，次次都好難捕捉，最終改為拍片。每次有鯨魚出未，大家都很緊張，紛紛指向某個方向。

時間過得很快，感覺好快就回程。

我們簡簡單單食個午餐，行一行個town就要參加另一個團:騎冰島馬。當初我們只是遲了幾分鐘到達，就已經錯過了pick up。幸好，透過Saga Travel打電話，他們再派車來接送。我以為其他團友已經到達，竟然只得我們四個人報名，哈哈!我地玩晒。

以我5尺3吋的高度，就可以見到冰島馬的身材較矮小，體型跟小型馬差不多，覺得特別可愛。自古以來，冰島馬的血統是非常純正，自從公元982年立法後，再沒有其他馬種進口到冰島。

冰島馬個子雖然矮小，但上馬時都要注意安全。其中一名朋友就是上馬時太大意，竟然從馬背上跌落地上。嚇得我大叫一聲，幸好她有載頭盔，無受傷。

我們四個人在中間，前後都有一名導師，一定不會走錯路，非常安全。冰島馬非常溫馴，行得很穩定。

再加上天色好好，難得有藍天白雲，吹著微風，好寫意! 

返回市中心後，又再四周逛一逛，只有一條主街，購物食店都在此!