出院後，第一次覆診

今天，一早準時，九時去到威院見醫生。

粱姑娘，話黃醫生指定要見我! 今日要等奈D!

黃醫生就係上次入院時，我的主診醫生!

好彩早有準備，download左套韓劇，睇左成集!

終於，聽到我的名在大氣中! 到我啦!

黃醫生話情況理想，短短兩星期，蛋白尿由2.3降至1.3，血色素都有10.6，白血球7.6，醫生表示腎炎的情況已經受控，繼續食MMF，而類固醇可以慢慢減少份量。食左一個月25mg，現在可以食20mg(4粒)，兩星期後食3粒半，然後一個月後再覆診!

另外，可能醫生太忙亂，忘記這隻MMF 藥要自費，取藥時才知道醫生幫我省了千多元藥費。雖然苦等了兩個小時才能見醫生，絕到值得。

感謝大家一直以來的支持及鼓勵! 

出院了!

昨天，我可以出院了。前前後後等了六小時，醫生才有空處理我的case。

報告指出是狼瘡腎炎第四型，我多次問醫生是否嚴重，她都沒有直接回答，只說多數都是第三或第四型。那麼，治療的方法就是要自費食隻少d副作用的藥-MMF，還有每日25mg的類固醇。

國慶後，我可以重返校園了。

今次入院，發覺威記姑娘的態度非常良好，好好人，又肯跟你講笑，甚至連清潔嬸嬸的態度都有所轉變。唔知係咪去左新大樓，環境改善了，人的心情都唔同D。

抽腎組織

今早，專業的抽血姑娘幫我打豆豆針，非常順利，一take過搞點，勁
好彩唔係醫生仔打豆豆針，我試過打兩次都唔成功。

然後，推去手術室抽腎組織，打痳醉針比較痛，抽組織時左右手都緊握兩位姑娘的手，雖然我不停叫哎喲，但都算順利，沒有想像中那麼差，不用吃止痛藥。

今天，要卧床24小時，原來條腰係好攰。大小二便都要在病床上解決。
                           
當我等候返回病房時，聽見隔離床傳來哭聲。她也是剛做完抽腎組織驗查，姑娘安慰她，原本她被實習醫生抽第一針不成功，要抽第二針，所以很痛！
                                                                   
我立即感受到幸福並不是必然，感謝主的保守，讚美主垂聽禱告，祂是我的隨時幫助

紅班狼瘡復發了!

昨天覆診，譚醫生劈頭第一句就說復發，絕不會顧及你的感受，我like！唔會浪費我的時間!

醫生簡單講述病情:有蛋白尿2.3和貧血9.7，接著安排照肺、心電圖，23號要入院抽腎組織化驗，看看腎炎的屬於邊種type，有d驚…… 驚痛囉……

啊！學校還有很多工作尚未完成。 哈哈！幸好我朋友多，同事個個都兩肋插刀，萬大事都應該可以解決。只是我又欠大家一個大人情，真是不喜歡為別人添上麻煩！

食藥的生涯又再開始了。其實根據很多病友的經驗，停藥後，紅班狼瘡很大機會復發。之前停了8個月不用食藥，媽媽話已經賺左啦！

其實，我覺得自從四月生蛇之後，S.L.E.開始活躍，只是沒有太多表徵浮出來。

暫時要食類固醇25mg，再加另一隻藥(Hydroxychloroqine)

又要請病假(至少兩個星期)

無左我的blog備份

星期六，我申請了 blog 備份，但過了兩天仍沒有收到email 叫我下載。

於是，我再去http://download.blog.yahoo.com/download 看一看備份完未。

竟然發現佢只用左3分鐘就完成備份，應該沒有可能吧!又沒有下載連結。

點算呀? 求救，求救.......................

嗚嗚嗚....................

新屋地址

我的新屋地址: http://smarttravelbee.blogspot.hk/

正在超緩慢地更新中

得到大家的指點，原來圖片係唔可以直接copy過去

要save左先，然後再upload 過去新屋內

有排執

我都唔知點樣add到大家

搬屋前，請大家留言給我!

搬家? Yahoo Blog 執笠

死啦!　Yahoo Blog 要執笠! 點算?

我的擔心:

1. 跟大家失去聯絡，雖然我唔係成日留言，不過我係有睇大家的網誌!

2. 搬去邊度好呢?
   
   好似好多人轉去google的blogspot !

    yahoo建議的Tumblr 好唔好呢?

    我係電腦白痴，又唔識用html 來設計，最怕個blog難用! 唉......

3. 雖然yahoo提供<輕鬆搬家> 服務，但係我都係驚有d嘢無左，

    或者唔同左，真係有排執!

4. 又要重新學過一個新的介面，真係無時間呀!

    有無人可以指點一下，教下路?

    或者比個網址比我，等我study下!

　　
   好頭痛!　好煩呀！