2010第一次覆診

今天, 九時到醫院覆診, 因為前兩個星期都是公眾假期, 所以都迫爆整個病房.

首先, 自己要磅重, 體血壓, 驗尿.

血壓和蛋白尿都正常. 體重比四個月前重了3Kg, 即是6.6磅, 扣減衣服的重量都應該重了5磅, 真是很高興, 終於都超過一百磅.

之後, 問姑娘拿報告抄下驗血報告的資料.

紅血球 有所提升, 有兩個位數字, 之前都是個位數字.
白血球只有3.2 , 略微低了一點, 醫生話無問題. (不過, 我知道係抵抗力較低)
蛋白尿已經是<0.1 即是已經沒有蛋白尿, 非常理想.
腎功能都不錯.
C3,C4都OK, 不過, 出唔到anti-DNA的數據.

醫生都是繼續開一粒類固醇, 其他的藥都沒有, 只有兩種維他命.

10時40分終於等到我見醫生, 雖然我是排第六個, 但是為了見大醫生, 每次姑娘都會幫我安排, 所以其他比我較後的病友都一早見完醫生.

醫生說一切都幾好, 之前停了一隻藥後都沒有問題.
我問醫生可否食半粒類固醇, 他說份量已經很少.

之後, 我問很有經驗的病友媽媽(嚴太), 她說如果食半粒, 就較容易復發, 就算醫生開半粒, 你就要更小心, 可能一日食半粒, 一日食一粒, 而且問定醫生開多一D, 預備有機會唔舒服, 就即刻食番一粒. 真是很寶貴的經驗. 那麼我都有排唔會減藥!

今天真是很好, 可以碰到嚴太, 我問嚴太比唔比佢個女打唔打豬流感針, 她一口就很堅定說: 緊係唔打. 因為她知道打這些針是會影響/ 擾亂我們的免疫系統, 所以我們有這個病是不要打. 而且她參考過其他病友的經驗而作出這個定論.

我知道嚴太個女都唔打, 我都唔打啦.

再加上, 今日有宗新聞話有位病友打過針後情況不好, 雖然醫管局話跟打針沒有關係, 但是我又怎樣有信心呢?