進入古城Tobolsk(Day14)

🚂🚂🚂 Travlling Date: 4 August 2014

火車準時於早上6:30到達秋明(Tyumen)。這個火車站好悶，沒有什麼特別。不過，我們要在這裡等3個鐘，轉火車到下一個落腳的地方--托博爾斯克(Tobolsk)。

由Tyumen坐三個半小時左右就會到達Tobolsk。這次當然坐3等艙，而且不用買被鋪。時間過得好快，因為這次可以在火車上同D小朋友玩下! 我們利用google translate跟他們溝通，原來他們從未見過中國人的面孔。所以一開始時，他們好怕羞。當我們請佢地食糖，先能打開中間的牆。最後，我地仲攬住一齊影相，超開心。

火車大約一點到左托博爾斯克(Tobolsk)，由於資料不多，只知道要坐1號巴士入舊城區。火車站外只得一個巴士站，跟大隊行就得。巴士車費Rub16(HK3.6)，車程25分鐘，所以唔好諗住行入去，而且一架的士都見唔到。

事前已經手抄俄文的地址，上車後，問一問乘客和車務員，他們都很樂意指示方向。最終都能平平安安到達酒店。無錯! 係酒店，佢係我地整個旅程唯一一間住的酒店，因為當時Tobolsk係沒有hostel的，酒店選擇也不多。現在去booking.com查一查，開了幾間hostel和酒店啦!

酒店位於舊城區的核心範圍，旁邊有間教堂，外表都唔錯!一間雙人房一晚Rub4040(HK918)，好貴呀! 其他地方的住宿一人一晚都係百幾至二百幾。由於這裡沒有其他選擇，無辦法啦! 

我們只能住一個晚上，要好好享受啊! 講到好似好慘，其實我和我的朋友對住的要求都唔係好高，只要乾淨和寧靜就可以。不過，我的朋友晚上開左個窗，就有蚊飛入去，成晚無覺好瞓。