2017年6月22日星期四

冰川健行 Day 8

Travelling Date: 27 July 2017 (Mon)

這天是非常期待的一天,因為報了一個2小時的Glacier Walking,全程要3個半小時,每人NOK470 (HK450)。事前只需send e-mail預約就可以,到了當地才付款,非常方便。現在可以網上報名

今天,天氣好好啊! 昨日仍然下雨陰陰天! 








08:45我們由Sogndal坐巴士去Breheimsenteret,10:00到達。首先要去服務中心買票,時間非常充裕。這個中心有個小型記念品中心,而外面有個小露台,望看正前方就是冰川了。我們在這裡都吃一些小食打下底先,一陣都唔會有時間食!





11:25再坐巴士去Nigardsbreen,大約10分鐘車程。

我們的冰川健行團是11:45開始,但需要出發前半小時到達,我們坐公車一定會遲啦! 即刻俾人怒目相向,都無辦法。我知係我地衰,唯有唔出聲快快手拿用具。

我們需要行近湖邊,坐一艘小船去對面岸。

到了對岸就開始穿上全副裝備。導師們非常注意安全,他們解釋得好詳盡,細心地檢查我們的裝備是否配載得正確。一個一個跟不同的導師。

每人會穿上冰爪,戴上手套拿冰釜,用救命繩一個牽一個。開始時,有風吹來都覺得幾凍。但行下行下,都開始熱,帽都不用戴。

另外,我們沒有帶單反機,因為第一次行冰川,怕整親部相機就慘啦! 所以全程都是用手機,我的朋友驚跌左部新手機,都唔敢拿出來影!













時間過得好快! 我們要坐小船離開了! 但我一定要讚讚我們領隊先生,我無睇錯人,當我穿裝備的時間,已經察覺他是非常又細心又好人,於是當要數人一個一個跟領隊的時候,我們先讓其他人行先,讓他們跟個女領隊(以前不滿我們遲到那位)。我們就可以跟這位哥哥仔。他原來是尼泊爾人,每日都會去冰川視察環境,經驗非常豐富,又幽默,常常答問題,又主動幫我們影合照,真是無得頂。

我們要等一個小時才有巴士接我們啊! 巴士費用都唔平,來回車費每人要NOK222( HK214)。 

大約旁晚6時半就返到hostel,接著下一個活動是煮飯仔。來了挪威一個星期了,今日終於有白飯食啦! 大滿足,好正!!!😋😋😋

12 則留言:

  1. 藍天靚c人. glacier walk 好正!

    回覆刪除
  2. 嘩嘩,冰川健行,又一引c人的地方

    回覆刪除
  3. 遇到好天氣,用乜機影都靚啦~

    回覆刪除
    回覆
    1. 十分同意,曾經想過只用手機影算數,唔帶大機,但又怕後悔!

      刪除
  4. 怕辛苦,可以換輕d嘅無反,質素差不多,除非吹毛求疵放大聞相。我都賣晒D大機及鏡頭好多年了,依家旅行都好輕便~ 我總是覺得照片是人影出嚟,就算有幾頂級嘅相機鏡頭,唔懂得運用也是徒然的。

    回覆刪除
    回覆
    1. 有咩好介紹呀? 我都係時候轉下相機

      刪除
    2. 其實而家無反市場真係百花齊放,追求畫質暫時一定是Sony A7嘅全篇幅系列,但鏡頭份量亦輕不了幾多;APSC有好多,Sony, 富士,Canon等等有好多選擇,也輕好多;最後最輕盈的一定是M3/4系列, 有Olmypus及Panasonic,但是由於篇幅不夠大,照片質素略為遜色。
      我三款都有用過,因為第二、及第三款可以有好便宜選擇,我去非洲要盡量輕便,便是用m3/4相機,你可以看看我遊記照片,拍攝銀河等通通也不是問題。
      我介紹的話,中庸之道絕對是APSC系列,得閒可以去電器舖玩玩相機~

      刪除
    3. 多謝你詳盡的介紹。我依家就係用緊Sony A7, 有時都覺得好重,特別係行山的時侯。

      刪除
  5. 您好
    想請問您預定冰川健行的行程 是在哪個網站上訂的?
    非常謝謝您

    回覆刪除