病情有變

例行每3-4個月返醫院覆診

今次見到教授級的譚醫生👍👍

佢次次第一句都問: 覺得點呀?

我:         都係咁啦!

譚醫生: 你D驗血報告都好好，肝腎都無問題

              你的紅斑狼瘡都好番啦!!!

我:         好番???? 即係點呀? (好緊張) 😖

譚醫生: 即是係你身體內搵唔到紅斑狼瘡囉。

              好番好奈啦! 你唔知咩?

我:         之前的醫生都無同我講。

              可以減藥嗎? 😳

譚醫生: 現在日日食一粒類固醇，

              改為隔日食一粒啦! 

              其他就照舊。

我:         這是上星期我的骨質報告。係咪好差呀?😩

譚醫生: -1.3都唔係好差，仲係normal range裡面。

我:      洗唔洗食多一粒鈣片呀? (我好懷疑醫生的說法)

譚醫生: 唔洗，做多D運動啦!!!

於是，醫生就印藥紙，假紙，抽血紙，覆診紙，走得。再看張覆診紙，原來5個月後先再覆診。從來都未試過隔咁奈先覆診，希望減藥期間，身體隻狼乖乖地，合作D，唔好發作。因為我仲要去旅行呀!!!!!