24 July 2009 (Fri) 天陰, 間中下雨
如果時間容許的話, 我真想在Viljandi 住多一天.
但是, 之前在計劃行程的時候, 真係無辦法, 唔想miss某些同樣想去的地方.
一早, 六點半就到巴士站. 因為今天要轉兩次巴士.
首先, 在Viljandi坐巴士去Parnu, 然後再坐巴士去拉脫維亞首都Riga.
之前為了去Viljandi真係想過很多不同的方法, 本以為這是最好的方案, 點知......
第一架巴士竟然沒有來到, 我起初以為是delay, 但到售票處問個小姐, 她很熱心, 幫我打了幾個電話, 第一次的問案是巴士遲到, 第次的問案是巴士已經開出. 但我在巴士月台都沒有看過有巴士經過. 真是令人費解, 無論如何, 我都是沒法按原定計劃.
當我到達Parnu時, 想買最快開出的巴士, 12點的班次: Full, 唯有第二班, 但到達Riga已經是旁晚, 唉! 無其他選擇之下, 都要買車票.
所以, 就是這樣可以多看一個地方.
這天的天氣真是不穩定, 陰陰天.
Parnu是一個近海的城市, 也是當地人渡假的聖地. 由於天色不好, 我都沒有去海灘那邊. 我把背嚢寄存巴士站後, 只是在城中逛逛, 隨心而行, 大部分都沒有考究它的名字或歷史背景.
雖然心情麻麻地, 不過, 這裡的街景都幾靚.
我覺得Parnu好明顯是一個旅遊區的地方, 有很多食肆, 最重要是當我走入去借洗手間的仔時候, 他們都非常友善.
當我走到疲倦的時候, 便走入一間教堂, 我突然想在教堂內看聖經, 拿出 i-touch看了很久, 又不是太多遊客四處參觀, 我覺得不錯啊! 其間, 還有免費的聖樂聽, 因為有位老太太在練歌, 真是好好聽.
之後開始下雨, 再加上肚子餓, 便走去巴士站附近的大型商場, 竟然被我發現有免費Wi-Fi, 於是在超市買食物後, 坐在商場的椅子一邊上網, 一邊食蛋糕.
時間差不多要返回巴士站, 上了 euroline 的Lux 巴士, 巴士上可以用Wi-Fi上網, 真是第一次體驗他們的科技已經很先進, 並且Wi-Fi真是非常流行. 我以為要跟座位號碼而坐, 但係有位先生就話係Free seat, no problem. 我都知道大部分的人都是亂坐, 無計啦! 最好次後唔會有人叫我轉位.
再講下那位非常健談的先生, 我好彩唔係坐係佢隔離, 如果唔係就真係煩死! 我只是同他坐於同一行, 我坐在另一邊的窗口位, 他好熱心地把我隔離的位拉開, 增加兩個人之間的空間, 真係好舒服, 原來可以這樣做, 我都係第一次見.
開車後, 他問我要不要飲品, 他強調是免費的. 我都是婉拒了他, 唔想一早要去洗手間.
之後, 他便找自己的同鄉聊天. 當他吹完水後, 為我送上一杯熱飲, 我當然要欣然接受. 原來是我最喜歡飲的熱朱古力. 真係非常感謝他的招呼.
雖然架車是非常舒服, 但係後面的小朋友和BB非常嘈吵, 真是好難頂!!!
點解 D 外國的父母都是任由他們的兒女大吵大喊, 完全不會責罵他們.
到達Riga已是晚上7點, 但係天仍然是光. 找到酒店後, 便出外行左一陣, 但天又開始下起雨來, 於是早點回去.
晚上, 我只有一個祈禱. 希望上帝比我一個朝早有好的天氣, 因為明天12點半就要離開Riga.
沒有留言:
發佈留言