1 Aug 2008 (Sat)
這天的經歷, 我相信永遠都會記得.
這天一早去到火車站, 突然發覺前晚放在雪櫃的火腿唔記得攞走. 於是我們四個人就派兩位跑得之人返回酒店攞啦! 不過, 如果比就我算數! 因為我怕因小失大, 上唔到火車. 不過, 算啦! 我的朋友願意走一趟, 就隨得他們吧!
就係在這個空擋, 我的朋友告訴我她剛剛懷孕, 而且有作小產的情況!
哇! 咁大件事! 不過, 我們再想深一層, 如果是神預備賜給你一個嬰孩, 祂就會保守, 一切都在神的手中, 而且我們都不是臨時臨急才決定去旅行. 我們就用信心去享受神給予我們這個旅行的機會啦!
之後, 一直都沒有問題, 只要唔好行得太快. 哈哈! 不過, 我們好多時候都係分開玩, 晚上就約一齊食飯. 這個方法都唔錯!
等到他們來到! 我們立即去月台! 哇! 慘啦! 完來沒有劃位的火車是這樣恐怕! 每一個車箱都滿了人, 沒有位座啦! 我們走入一個較少人的車箱, 不過陸續不斷有人迫入來.
左面的相片,頭上戴住太陽眼鏡的光頭腦附近就有唯一的洗手間.
火車開了不久, 在上層的波蘭仔成日就結伴去廁所, 兩個人一齊入廁所做什麼? 吸煙.
我們連行的空位都沒有. 所以成日就要起身讓佢地行過, 真係好煩! 得閒無事就走去追我對面個猶太人靚人! 又要人寫電話, 又影相! 激死人!
我地同佢地講唔好咁樣出出入入, 他們就扮嘢炸聽唔明英文!
唉! 當係一種見識吧! 幸好, 之後, 我們仍然遇到一位有理想的大學生!
我地在火車上捱左六個鐘! 無陰公! 仲慘過在大陸坐火車!
(補充: 就算坐快車都要四個半鐘, 波蘭的火車真係好好好.............慢)
幸好, 我同個大肚婆在最後1.5hrs走去上層, 剛好有兩個位坐! 舒服晒!
差不多下午兩點到達Gdansk, 因為不想太疲累, 故坐的士去酒店. 其實就是在舊城區的附近! 坐的士是最好的方法.
放下行李, 就出去食嘢! 超肚餓!
這個夾餅真係食完好想再食! 好好好好好味!
Gdansk位於波蘭的北部沿海的城市, 這個地方真係好靚!
在二戰的時候, 它是被德國進攻的海岸城市, 結果都是被蹂躪到體無完膚.
他們都花了20年時間去重建才有今天的樣貌. 這條街就是皇者之路, 兩旁都有很多精緻的建築物.
途中, 我們突然聽到一陣大聲響, 原來是二戰時打仗的警號, 好似打到來啦! 怏D躲避.
這是一種記念, 我們見到街上的老人家都用手抹眼淚, 那麼傷害是何等的深!
之後, 我們去左個Open air 的地方聽音樂和吃小食.
休息一會, 見時間都差不多可以去一間教堂聽免費音樂會, i-informtion center 的小姐已在地圖上畫上記號, 找到了啦! 裡面已經坐滿了人. 剛開始的時間, 好似是一個宗教的唱詩, 都唔似係音樂會, 我見唔多妥, 便靜靜地拿著地圖細細聲問前面的女仔, 她話這兒是進行彌撒, 音樂會的地點不是這兒. 哇! 我們好鬼魚! 有咁快就咁快!
之後, 我們都是找不到有音樂會聽. i-information 的姐姐仔真係老點. 我們只找到在某個教堂外聽到很悅耳的鐘聲.
到了食飯的時候, 本來跟據Lonely planet的介紹找到餐廳的位置. 竟然已經倒閉.
今天的運氣不是太好啊!
最後, 找到一間小店食個勁量薯仔和飲個例湯.
沒有留言:
發佈留言