2017年2月8日星期三

格魯吉亞 ~ 隱世村落 Ushguli (Day 11)

Travelling Date : 31 July 2013 (Wed) 

一早就要離開,帶著小小的背包去Ushguli住兩晚,然後再返回 Mestia。

透過民宿預約左架jeep,車程大約3-4小時,單程車費200Gel(每人要HK500),因為無其他人一齊share,所以都幾貴。一路上都是沙泥碎石山路,沿途會經過一些村落和碉樓。





沿途風景一流,有山有水,要涉水過河,不時有動物出沒。Ushguli位置海拔2100米,是歐洲最高的小鎮。對於我來說,沒有太大感覺。只覺得這裡是離開人群遊客的好地方,沒有半點商業化旅遊的感覺,就已經足夠。



















到左Guest House (靠Mestia的屋主聯絡,自己在網絡上根本找不到),安頓一切,其實都沒有任何planning。不過同屋一齊入住的,有班波蘭人和兩位法國人,他們都話去行山,又話好易行,係山谷中行,不會又上又落,於是我地就膽粗粗跟你們一齊行。






初段就真係好易行,但行行下,又要涉水過河,又要跳河,又要踩入水泥裡。哇! 班老外又行得快,跟到我地兩個小女子喘晒氣,而且只有石頭上有黃色箭咀指示方向,差D跟唔上。好彩,兩位法國人都好好人,常常等理我地。至於班波蘭人就不知所蹤,應該中途打退堂鼓。





終於行到盡頭,法國老話不要再行前,有冰川倒塌的危險。我地緊係聽話啦,佢地夠晒專業,身上的儀器係可以定位,計到海拔多少米。坐在這裡休息都會不時聽到隆隆聲,我地連食物都沒有帶,身上只得盒得力素糖,幸得法國老share佢地的食物給我們,否則......



原來這個冰川叫Shakhara Glacier,雪山叫Mount Shahara,高度有5150米,外國的網站話要來回5小時,我地足足行左6-7個鐘,而且它的難度是Hard。雖然辛苦,但係有美景相伴都值得。經此一役,以後真係要諗清楚先好跟!



3 則留言: