旅行小蜜蜂

2009年11月29日星期日

Malbork Day14~(B)

續 2 August 2009 (Sun)

下午, 坐火車去Malbork. 本以為跟據指示去月台等就無事.

點知, 我都係唔放心, 都係多口問下人, 點知話唔係這個月台, 是對面月台.

之後, 等到有車來到, 車的門名名寫住經Malbork, 剛踏上去, 下面又有位人兄話我們上錯車.

唉! 真係好鬼混亂. 我比張車票佢睇, 佢再問人, 真係唔係這架火車.

落左去, 佢話應該是下一班才對. 佢都係搭同一班車, 所以我跟住佢一家四口.

車程大約45分鐘. 終於都順利到達Malbork, 在火車上都可以遙望這座城堡.

在火車站看看地圖就好似行到去.

沿途的屋好似公屋.

2009年11月21日星期六

Gdansk Day14~(A)

2 August 2009 (Sun)

早上, 我們四個人分成兩組, 各自按不同的時間出動.

大家約定中午時份, 在火車站的售票處等. 這樣的玩法真好, 有彈性!

我們的酒店一走出來, 就可以看見河邊,真係幾靚.

2009年11月20日星期五

Gdansk Day13

1 Aug 2008 (Sat)

這天的經歷, 我相信永遠都會記得.

這天一早去到火車站, 突然發覺前晚放在雪櫃的火腿唔記得攞走. 於是我們四個人就派兩位跑得之人返回酒店攞啦! 不過, 如果比就我算數! 因為我怕因小失大, 上唔到火車. 不過, 算啦! 我的朋友願意走一趟, 就隨得他們吧!

就係在這個空擋, 我的朋友告訴我她剛剛懷孕, 而且有作小產的情況!

哇! 咁大件事! 不過, 我們再想深一層, 如果是神預備賜給你一個嬰孩, 祂就會保守, 一切都在神的手中, 而且我們都不是臨時臨急才決定去旅行. 我們就用信心去享受神給予我們這個旅行的機會啦!

之後, 一直都沒有問題, 只要唔好行得太快. 哈哈! 不過, 我們好多時候都係分開玩, 晚上就約一齊食飯. 這個方法都唔錯!

等到他們來到! 我們立即去月台! 哇! 慘啦! 完來沒有劃位的火車是這樣恐怕! 每一個車箱都滿了人, 沒有位座啦! 我們走入一個較少人的車箱, 不過陸續不斷有人迫入來.

2009年11月19日星期四

Warsaw Day12~(B)

續 31 July 2009 (Fri)

在酒店瞓左幾個鐘, 然後去銀行換錢, 再去火車站買火車票準備明天去波蘭北部城市(Gdansk). 不幸, 所有快車都已經滿了, 只有一班慢車可以選擇, 無辦法之下都要買, 買完之後, 因為太便宜覺得有點奇怪, 跟快車相差5倍價錢, 於是再排隊問問, 他們都是說沒有問題, 唯有當無問題. 誰知? 明天的火車旅程是我坐過的印象最深刻.

之前, 我在立陶宛跟剛由華沙回來的人講起這個地方, 他們的comment是 It's a dark city.

等我親身體會下,才下判斷.