旅行小蜜蜂

2012年6月23日星期六

好消息--我好番啦!

昨天，2012年6月22日(星期五)，如常到醫院覆診紅班狼瘡(S.L.E.)，竟然可以見到郭醫生，應該有一年無見!

見這位醫生，就如見到舊朋友一樣，滔滔不絕!

郭醫生第一句就問我今年去唔去旅行啦!
然後係佢個袋拿出當年07年，係西班牙送比佢我手信--一個小小卡片袋。

由於，蔣姑娘在5月辭職。新任的姑娘不再將病人的驗血報告寫在大表內，即是我不能像以往抄下報告。於是，唯有問郭醫生，她續一把數字讀出。

血色素: 12.4
白血球: 4.6
血小板: 178
腎功能: 52
白蛋白: 48
鉀 : 4.0
蛋白尿:<0.1
C3 : 1.02
C4 :0.16
以上所有項目都非常正常

接著問最後一樣指數--DNA。醫生竟然話係 -ve。
當時頭腦唔識轉，問醫生個數字有多少?
醫生: 都話係-ve，點會有數字。
我 : 即係點? (waiting)

醫生: 即係好番
我 :吓! 咁奈(5年半)第一次出現-ve (party)

醫生覺得我唔信佢，立即轉個電腦屏幕比我睇
我 : 咁!可唔可以唔食類固醇?
醫生: 得! 唔食類固醇，咪食蔣姑娘賣的MMF囉! 依家減左價，二千幾有得食! (angry)

(咁即係要繼續食，都係每日半粒)

之後，我再問個肝，醫生話好正常。另外，吩咐我多做附重的運動，避免骨質疏鬆。

這個喜訊由郭醫生口中話比我知，真是別具意義。因為想當年(06年尾)就是由她口中話比我知確診患上紅班狼瘡症!

另外，正正一個月後就再上征途。這個消息真是令人非常開心，非常感恩!

2012年5月27日星期日

Spello

Travelling Date: 22 Oct 2011 (Sat)

一早就去Pizza Matteotti 打算坐巴士去Spello，不過，不知什麼原因架巴士都沒有出現。

最後，我都是改坐火車吧!

先坐巴士去火車站，然後再坐15分鐘的火車，就不以到Spello。

Spello 的火車站非常簡陋，連一個售票處都沒有。

幸好，眼見一位乘客下車，可以問一問舊城的方向。

走了大約10分鐘就會到達城門外! 時間倒流到1世紀--Porto Consolare!

2012年5月19日星期六

Assisi

Travelling Date: 21st Oct 2012

下午1時，由Spoleto坐火車去Assisi，中途要在Foligno轉車。在Spoleto火車上認識了一對美國夫婦，原來大家的目的地都是Assisi。之後，在Foligno轉火車時，又認識了一位意大利的女子，她去Perugia。不知道火車時出現了什麼問題，要所有乘客改坐對面月台的火車，大家都在車卡上等了半個小時才開車，不過，我們四人聯合國就開始了有趣的交談。原來那位意大利女子正在學習中文，而且明年新年會來香港。我就一盡"地主之誼"，教下大家中國象形字有趣的地方。原來那對美國人都懂得少少漢字，所以大家都感到很高興。

火車終於開了，15分鐘就到了Assisi。一出火車站，就有的士司機向我們埋手。其實，我就不趕時間，所以一心都無想過坐的士。但是，那對美國夫婦只有半天時間，所以選擇坐的士。之後，又有兩位澳洲人加入。於是，我立即說:Five。隨即，聽到旁邊有個女仔說:Six。哇! 剛好坐滿一輛的士(Van仔)。每人都是兩歐，超值! 在的士上，發現第六位女仔懂得說廣東話，但居於加拿大。之後，在教堂外更相遇多一次，便成了朋友了!

來到Assisi 就好像走進了時光隧道，返回幾百年前的意大利山城。

到了酒店，放下行季就一枝箭衝去Basilica di S. Francesco 聖法蘭西斯教堂，進入教堂是免費的。

奶奶又入左醫院了!

5月16日奶奶又入左醫院了! 上個月剛剛入院住了一個星期，現在又再入去，真是令我的老公好擔心!

今次，又係因為個賢的問題! 由於奶奶剛開始要洗賢，經過幾個月，都仍未適應。

這次是因為排唔到水，導致水腫，甚至有肺積水，令到個心臟跳得好勁，還有手震!

希望醫生有智慧幫助奶奶，減輕佢的痛苦!

另外，醫生話我老公的賢不能換比奶奶，令人非常失望!

剛到醫院探完奶奶，她要輸一包血。

我問姑娘她的血色素有多少？

原來只得5.9！

哇！係嚴重貧血！怪不得奶奶常常覺得好攰！

每天，都要為她祈禱！