Day 22 ~ Last Day in Moscow

Travelling Date : 12 Aug 2102 (Sun)

這天是最後一天在莫斯科，下午6點要到機場。先把背包寄存在hostel的common room，然後出外食個早餐。唔知點解，莫斯科間間hostel都唔包早餐? 

最後一天，當然要去紅場和克里姆林宮。我們抱著一絲的希望再去紅場一次，希望紅場的圍欄會被拆除。可惜，事與願遺!

真係大剎風景，可能之前有什麼大型表演節目，無辦法啦! 見時間差不多，唯有去睇下換兵儀式啦! 

哇! 今次影到90度角腳，好直呀!

之後，再行番去睇個七彩洋蔥頭教堂! 來到莫斯科必去的景點，簡直就係指定節目! 我覺得佢吸引之處就係睇極都唔會厭!

再行遠一D，去到橋位，就會見到克里姆林宮，再遠d又會見到金頂大教堂! 當又厚雲蓋頂，只能隱約地見到小小藍天!

我們沿著河邊行，行到金頂大教堂，再次入內參觀! 幸好，它是免費入場，否則唔好攪我! 

之後，我帶個同事去到克里姆林宮的入口處，等佢買左門票。我同惠C就唔入去啦! 約好個半小時後再相見!

我們兩個女仔就四周行下，坐下，睇下! 時間過得好快! 差不多下午2點。大家都好肚餓，計一計時間，食個午餐，回去hostel沖個涼，都差不多要去機場! 所以都係急急腳去搵嘢食! 

臨走之前，我們一定要再飲紅菜頭湯! 否則，我們一定會好遺憾! 再加上杯紅草莓汁，真係無得彈! 其他嘢食外表都係一般正常的意大利餐廳的款式，但係好好味! 今餐可以話一鋪清袋!

我們住的hostel非常近間好有名的超市，經過就算唔買嘢，都要入去睇睇! 包你大開眼介，不禁會問洗唔洗咁浮誇呀!

睇一睇個價錢，就知道有幾咁高檔。買個菠蘿都要個百元港幣， 簡直係港版 city supper !!! 原來佢係24小時型業。

足足三個星期的旅程，都係時間劃上個句號! 係hostel快快手沖個涼，洗個頭，急急腳去坐地鐵，點知又記錯車站，好彩都趕得及去機場。