我們先去M記食D嘢, 換了開心樂園餐的玩具, 然後一起去玩具反斗城.
寶寶就揀了個Barbie公仔, 是可以加長頭髮.
契女就揀了個Little Mini的玩具, 可以幫她換衫和換鞋.
契女的金句又來: 她同契爺講, 我唔係叫你買玩具比我(因為亞媽曾叮囑唔好叫人買玩具) 但係你買玩具比我就得.
臨走的時候, 有個姐姐免費幫小朋友在手上印圖案.
寶寶印完一隻, 又叫姐姐幫佢印第二隻. 當然, 契女都是咁做. 不久之後, 契女突然話要刷掉手上的圖案, 因Daddy會罵她. 我就解釋唔駛驚, 尼D是很平常的玩意, 好小事, Daddy係唔會罵你呀! 跟住寶寶立即加把口說: 係呀! 好小事, Mammy唔會罵! 真係比佢激死.
買完玩具後, 寶寶就好想去Snoopy land, 而契女就好想設我家玩玩具, 大家意見不一致. 最後, 我們遊說了契女去Snoopy Land 玩了一陣就走, 其實當時實在太多人, 都唔輪到你唔走!
返到寶寶家中, 玩了新的玩具, 我和契女就走了. 因為寶寶要沖涼換衫去食自助餐.
返到我們家中, 契爺就拿出新買的造雪糕的泥膠玩具, 契女一見到即刻開心到陣.
我們在家中玩了兩個鐘, 契爺和契媽都好累了. 然後帶她到Uncle Oscar 家中食晚飯.
子善弟弟, 契女, 契仔, 仲有熙瑜妹妹一齊把Uncle Oscar的屋企變成一個遊樂場.
吉吉契仔非常攪笑, 他很喜歡一把玩具槍, 把個槍頭常常放在口中, 好像吞槍自殺.
吉吉真係好可愛, 玩下了一會, 就會走到我身邊抱著你, 好像一隻小貓, 好嗲!
---------------------------------------------------------------------------------------------
到了臨走的一刻
契女問子善: 你去唔去我屋企瞓.
子善不加思索回答：好呀
契女：你快D去執衫
我就同子善講：Daddy同Mammy都唔去，你自己一個去.
子善就開始猶豫不停地問Daddy點解唔去.
契女說: 子善你唔駛驚, 我會照顧你!
膽小的子善都係縮沙唔去!
契女再說: 我張床好大呀!
契女豪氣地問多一次: 子善你去唔去呀?
子善都係搖搖頭 說: 我每日都要留係屋企度瞓.
我們班大人就笑到唔停得口.
--------------------------------------------------------------------------------------------
接著, 契女立即轉移目標, 同我講: 契媽今日我想去你屋企度瞓.
媽咪就話: 你聽日要去學游水. 無帶泳衣.
契女想了想就說出計策: 媽咪你聽日拿過來咪得囉.
跟住我們都張個決定權交比佢Daddy.
落到樓下, 契女見到Daddy就問: 我可唔可以去契媽度瞓?
Daddy好快就答應.
契女非常雀躍地大聲說: Daddy話得呀! Daddy話得呀! Daddy話得呀!
沒有留言:
發佈留言